चितवन–चितवनमा थप १८ जनामा कोरोना संक्रमण पुष्टि भएको छ। भरतपुरस्थित कोभिड-१९ परीक्षण प्रयोगशालामा गरिएको परीक्षणमा चितवनका १७ र रौतहटका १ जनामा संक्रमण पुष्टि भएको अस्पतालले जानकारी दिएको छ।
भरतपुर महानगरपालिका भित्रका ६ महिला र ८ पुरुषमा कोरोना पोजेटिभ देखिएको प्रयोगशालाकी प्रमुख डा.नितु अधिकारीले जानकारी दिइन्। उनका अनुसार संक्रमितहरू २३ देखि ८० वर्षसम्मका छन्।
भरतपुर अस्पतालको स्वाब संकलन केन्द्र र पुरानो मेडिकल कलेजबाट उनीहरूको स्वाब लिइएको हो। खैरहनी नगरपालिकाका २ महिला र १ पुरुष छन्।
रौतहटका ३३ वर्षीय पुरुषमा पनि कोरोना पोजेटिभ देखिएको छ। ३०९ जनाको स्वबको नमुना परीक्षण गर्दा २ सय ८४ जनाको रिपोर्ट नेगेटिभ आएको छ।
प्रतिक्रिया दिनुहोस्
