बलेवा– आज बिहानको अविरल वर्षापछि खसेको पहिराले मध्यपहाडी पुष्पलाल लोकमार्गको बागलुङ खण्ड अवरुद्ध भएको छ।
जिल्लाको काठेखोला गाउँपालिका–५ इनारपानी र गलकोट नगरपालिका–९ बाँसखोलामा पहिरो खसेपछि लोकमार्ग अवरुद्ध भएको हो।
बिहानदेखि पहिराले लोकमार्गमा सवारी आवातजावत ठप्प छ। पश्चिम बुर्तिबाङ, खरबाङ, गलकोटलगायतका ठाउँबाट छोटो तथा लामो दूरीमा चल्ने सवारी साधन बीचमै रोकिएका छन्।
बिहानैदेखि पहिरो हटाउने काम सुरु भएको प्रहरीले जनाएको छ।
दिउँसोसम्म सडक सञ्चालन हुने जिल्ला ट्राफिक प्रहरी प्रमुख शिव पाठकले बताए। ‘डोजर लगाएर काम भइरहेको छ, प्रहरी टोली खटिएको छ’, उनले भने, ‘ठूलो पहिरो गएका कारण समय बढी लाग्ने देखिन्छ।’
प्रतिक्रिया दिनुहोस्
