काठमाडौं- काठमाडौं उपत्यकामा पछिल्लो २४ घण्टामा थप ७ सय ५५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार काठमाडौंमा ६ सय ९, ललितपुरमा ९५ र भक्तपुरमा ५१ जना गरी जम्मा ७ सय ५५ जनालाई कोरोना संक्रमण पुष्टि भएको हो ।
नेपालमा पछिल्लो २४ घण्टामा १४ सय ९७ जनामा कोरोना संक्रमण पुष्टि भएको छ। योसँगै नेपालमा कूल संक्रमितको संख्या ६९ हजार ३ सय १ पुगेको छ।
स्वास्थ्य मन्त्रालयका अनुसार थप ४ सय ५७ जना कोरोनामुक्त भएका छन्। हालसम्म ५० हजार ४ सय ११ जना कोरोनामुक्त भएका छन्।
पछिल्लो २४ घण्टामा थप १७ जनाको मृत्यु भएको छ । योसंगै कूल मृत्यु संख्या ४ सय ५३ पुगेको छ।
हालसम्म सक्रिय संक्रमितको संख्या १८ हजार ४ सय १७ रहेको छ ।
प्रतिक्रिया दिनुहोस्
