काठमाडौं- प्रधानसेनापति पूर्णचन्द्र थापा आजदेखि सेल्फ क्वारेन्टीनमा बसेका छन्। प्रधानसेनापति थापाको निवासको भान्छामा कार्यरत एक सदस्यमा शनिबार कोरोना सङ्क्रमण पुष्टि भएपछि उनी सेल्फ क्वारेन्टीनमा बसेको सैनिक जनसम्पर्क तथा सूचना निर्देशनालयले जनाएको छ।
स्वास्थ्य तथा जनसङ्ख्या मन्त्रालयबाट जारी निर्देशिका र मापदण्डअनुरुप उनी स्वास्थ्य सुरक्षा सजगता अपनाउंँदै क्वारेन्टीनमा बसेको जानकारी दिइएको छ।