काठमाडौं- प्रदेश ५ सरकारले राजधानी बनाउने निर्णय गरेको क्षेत्रमा जग्गा रोक्का राख्ने निर्णय गरेको छ। निर्णय अनुसार दाङको राप्ती गाउँपालिका पूरै, गढवा गाउँपालिकाको वडा नम्बर १, २, ३ र अर्घाखाँचीको शीतगंगा नगरपालिकाको वडा नम्बर ८ र ९ को जग्गा रोक्का गर्ने निर्णय गरेको हो।
प्रदेश ५ का मुख्यमन्त्री तथा मन्त्रिपरिषद्का सचिव भरतमणि सुवेदीका अनुसार ती क्षेत्रमा अर्को सूचना नआएसम्मका लागि जग्गा किनबेच र कित्ताकाट गर्न रोक्का गरेको हो।
आजमात्र प्रदेश ५ को प्रदेशसभामा दाङको भालुवाङलाई राजधानी बनाउने प्रस्ताव पेस गरिएको थियो।
प्रतिक्रिया दिनुहोस्
