काठमाडौं- प्रधानमन्त्री केपी शर्मा ओलीका मुख्य सल्लाहकार विष्णुप्रसाद रिमाल, परराष्ट्र सल्लाहकार राजन भट्टराई र प्रेस सल्लाहकार सूर्य थापा कोरोना संक्रमणमुक्त भएका छन्।
उनीहरूको बिहीबार पिसीआर परीक्षणका क्रममा नेगेटिभ रिपोर्ट आएको प्रेस सल्लाहकार सूर्य थापाले जानकारी दिए। उनीहरू सबैलाई गत असोज १७ गते संक्रमण भएको थियो।
सल्लाहकार थापाका अनुसार उनीहरू परिवारका सदस्यको कन्ट्याक्ट ट्रेसिङ परीक्षणको रिपोर्ट पनि नेगेटिभ आएको छ।
उनले सामाजिक सञ्जालमा भनेका छन्, ‘हामीले कोरोना संक्रमण सात दिन बित्दानबित्दै जित्न सकेका छौँ। हामीप्रति शुभेच्छा र सद्भावका निम्ति सबै महानुभावप्रति आभारी र कृतज्ञ छौँ।’
प्रतिक्रिया दिनुहोस्
