सर्लाही- राष्ट्रियसभाका सांसद राधेश्याम पासवानलाई अचानक प्यारालाइसिसको लक्षण देखिएपछि शनिबार हेलिकोप्टरमा गृहजिल्ला सर्लाहीबाट उपचारार्थ काठमाडौं लगिएको छ ।
उनको बयोधा अस्पतालमा उपचार भइरहेको पारिवारिक स्रोतले जनाएको छ । सर्लाहीको लालबन्दी नगरपालिका २ स्थित घरमा कपडा लगाउन थाल्दा दिउँसो साढे १२ बजेतिर पासवान अचानक लडेका थिए।
लडेपछि उनको बायाँतर्फको भाग नचलेको सोही वडाका वडाध्यक्ष किरण पासवानले जानकारी दिए । ‘रक्तचाप बढेर अचानक लड्नु भएकोजस्तो छ,’ सांसद राधेश्यामलाई सँगै काठमाडौं लिएर गएका वडाध्यक्ष पासवानले भने, ‘तत्कालै हेलिकोप्टर झिकाएर अपरान्ह चारबजे काठमाडौं ल्याएर बयोधा अस्पतालमा उपचार भइरहेको छ ।’
राधेश्याम नेकपाबाट राष्ट्रियसभा सांसद हुन् ।
प्रतिक्रिया दिनुहोस्
