काठमाडौं- स्वास्थ्य तथा जनसंख्या मन्त्रालयले अब दैनिक प्रेस ब्रिफिङ नगर्ने भएको छ । मन्त्रालयका प्रवक्त्ता डा.जागेश्वर गौतमका अनुसार अब साताको दुई दिनमात्रै प्रेस ब्रिफ्रिङ गरिनेछ ।
उनका अनुसार साताको आइतबार र बुधबार मात्रै प्रत्यक्ष प्रशारणमार्फत प्रेस ब्रिफिङ हुनेछ । बाँकी दैनिक कोरोना अपडेट भने मन्त्रालयको फेसबुक, भाइबर तथा वेभसाइटमा उपलब्ध हुने उनले जानकारी दिए ।
मन्त्रालयले हरेक दिन कोरोना अपडेटमार्फत दैनिक संक्रमित संख्या, आइसोलेसनमा बस्नेको संख्या तथा सक्रिय संक्रमितको संख्याबारे जानकारी दिँदै आएको थियो ।
प्रतिक्रिया दिनुहोस्
