काठमाडौं– सामाजिक सञ्जालको दुरुपयोग गर्ने एक व्यक्तिलाई प्रहरीले पक्राउ गरेको छ । सिन्धुपाल्चोक चौतारा साँगाचोकगढी–४ बस्ने २० वर्षीय अखिल नेपाली पक्राउ परेका हुन् ।
फेसबुकको ‘फेक आइडी’ बनाएर बालिकालाई अश्लिल म्यासेज र फोटो पठाउने नेपालीलाई बिहीबार बिहान काठमाडौं महानगरपालिका वडा नं १७ बाट प्रहरीले पक्राउ गरेको हो ।
बालिकाको बारेमा यौनअश्लिलतायुक्त अनर्गल सामग्री पोष्ट गरी अपमान गर्ने गरेको उजुरीका आधारमा प्रहरी प्रधान कार्यालय, साइबर ब्यूरोको टोलीले नेपालीलाई पक्राउ गरेको हो ।
साइबर ब्यूरोका अनुसार नेपालीमाथि साइबर अपराध अनुसार आवश्यक अनुसन्धान भइरहेको छ ।
प्रतिक्रिया दिनुहोस्
