वासिङटन- अमेरिकी राष्ट्रपति डोनाल्ड ट्रम्पले नवनिर्वाचित राष्ट्रपति जो बाइडेनलाई सत्ता हस्तान्तरणका लागि औपचारिक प्रक्रिया सुरु गर्न स्वीकार गरेका छन् ।
ट्रम्पले ट्विट गर्दे सत्ता हस्तान्तरणको निगरानी गर्न संघीय निकाय जनरल सर्भिसेस् एडमिन्स्ट्रिेशन (जिएसए) लाई ‘आवश्यक प्रक्रिया सुरु गर्न’ भनेका छन् । तर आफ्नो लडाइँ अझै जारी रहने ट्रम्पको भनाइ छ ।
ट्रम्पले नियुक्त गरेका प्रशासक इमिली मर्फीले प्रक्रियागत ढिलाइ गर्न ह्वाइट हाउसबाट कुनै दबाव नआएको बताएकी छन् ।
उता, जिएसएले बाइडनलाई ‘स्पष्ट विजेता’ को रुपमा स्वीकार गरेको जनाएको छ । मिशिगन राज्यमा राष्ट्रपति निर्वाचित जो बाइडनको जित औपचारिक रुपमा प्रमाणित भएपछि मत परिणामलाई चुनौती दिने डोनाल्ड ट्रम्पको अभियानमा धक्का लागेको छ ।
प्रतिक्रिया दिनुहोस्
