काठमाडौं- अन्तर्राष्ट्रिय क्रिकेट काउन्सिल आइसिसीले एसोसिएट प्लेयर अफ दी डिकेडको मनोनयन सार्वजनिक गरेको छ । ६ जना खेलाडीको सूचीमा नेपालका पारस खड्का पनि छन् ।
अन्य खेलाडीमा स्कटल्यान्डका कायल कोएट्जर, क्यालम म्याकलियोड र रिकी बेरिङ्टन, पपुआन्युगिनीका असाद भाला र नेदरल्यान्ड्सका पिटर बोरेन छन् ।
आइसिसीका एसोसिएट सदस्यका खेलाडीमध्ये चालु दशकमा सबैभन्दा राम्रो प्रदर्शन गर्ने खेलाडीलाई यो अवार्ड दिइनेछ । विजेताको टुंगो भोटिङबाट हुने आइसिसीले जानकारी दिएको छ । भोटिङ खुला भइसकेको छ ।
नेपाललाई टी-20 विश्वकपमा छनोट गराउन र एकदिवशीय अन्तर्राष्ट्रियको मान्यता दिलाउन पारसले कप्तानी भूमिका निर्वाह गरेका थिए ।
प्रतिक्रिया दिनुहोस्
