काठमाडौं- नेपाली बजारमा आज सुनको भाउ तोलामा १ हजार रुपैयाँले घटेको छ । नेपाल सुनचाँदी व्यवसायी महासंघका अनुसार मंगलबार सुनको भाउ तोलामा १ हजार ८ सयले घटेकामा बुधबार १ हजार रुपैयाँले गिरावट आएको छ ।
सुनको भाउ दुई दिनमा २ हजार ८ सयले घटेको हो । यससँगै बुधबार छापावाल सुनको भाउ तोलाको ९१ हजार ५ सय रुपैयाँ कायम भएको छ ।
छापावाल सुन मंगलबार ९२ हजार ५ सय र सोमबार ९४ हजार ३ सयमा किनबेच भएको थियो । महासंघका अनुसार मंगलबार तोलाको ९२ हजारमा किनबेच भएको तेजावी सुनको भाउ बुधबार ९१ हजार रुपैयाँ कायम भएको छ ।
बुधबार चाँदीको भाउ तोलामा ५ रुपैयाँले घटेको छ । चाँदीको भाउ मंगलबार १ हजार १ सय ८० रुपैयाँ रहेकामा बुधबार १ हजार १ सय ७५ रुपैयाँ कायम भएको छ ।
प्रतिक्रिया दिनुहोस्
