एजेन्सी-इथियोपियाको टाइग्रेबाट सुडान पुगेका शरणार्थीको व्यवस्थापनका लागि १५ करोड अमेरिकी डलर आवश्यक परेको संयुक्त राष्ट्र संघले जनाएको छ ।
राष्ट्रसंघका शरणार्थी मामिला प्रमुख फिलिपो ग्रान्डीले खाद्यान्न, बसोबास तथा कपडाको व्यवस्थापनका लागि १५ करोड डलर जरूरी रहेको बताएका हुन् ।
इथियोपियाको संघीय बल तथा त्यस क्षेत्रको सत्तासिन दलबीच नोभेम्बर ४ मा सुरु द्वन्द्वका कारण तीन हप्तामा कम्तीमा ४३ हजार शरणार्थी सुडान पुगेका छन् ।
इथियोपियाको अति गरिब क्षेत्र टाइग्रेमा लगातार भीडन्त भइरहेका र झडपका कारण हजारौँ इथियोपियाली नागरिक सुडान प्रबेश गरेका हुन् ।
सुडानका शक्तिशाली शासक ओमार अल बसीरलाई सन् २०१९ मा सत्ताच्युत गरिएपछि सुडान अहिले सङ्क्रमणकालीन अवस्थाबाट गुज्रिरहेको छ ।
प्रतिक्रिया दिनुहोस्
