काठमाडौं- भारतीय क्रिकेटर पार्थिव पटेलले १८ वर्षे क्रिकेट खेल जीवनलाई विश्राम दिएका छन् । विकेटकिपर तथा ब्याट्सम्यान पटेलले आज (बुधबार) क्रिकेटका सबै फर्म्याटबाट संन्यासको घोषणा गरेका हुन् ।
उनले सामाजिक सञ्जालमा सन्यासको घोषणा गरेका छन् । उनी लेख्छन्, ‘आज म क्रिकेटका सबै फर्म्याटबाट संन्यास घोषणा गर्दछु । मेरो १८ वर्षको क्रिकेट यात्रालाई पर्दा लगाउन गइरहेको छु ।’
३५ वर्षे पटेलले भारतीय टिमबाट २५ टेस्ट, २८ एकदिवसीय र केही ट्वान्टी–२० खेल खेलेका छन् । त्यस्तै घरेलु क्रिकेटमा पनि गुजरात टिमबाट उनी १९४ फस्ट क्लास क्रिकेटमा सहभागी बनेका छन् ।
उनी पहिलोपटक २००२ मा भारतीय टिमको हिस्सा बनेका थिए । १७ वर्ष १५३ दिनमा डेब्यू गर्दा उनी भारतीय टिममा सबैभन्दा सानो उमेरका विकेट किपरसमेत थिए ।
प्रतिक्रिया दिनुहोस्
