काठमाडौं- शुक्रबार देशभर थप १०४४ जना कोरोनाका नयाँ संक्रमित थपिएका छन् । यो संख्यासहित हालसम्म संक्रमण हुनेको संख्या दुई लाख ४६ हजार ६९४ पुगेको स्वास्थ्य तथा जनसंख्या मन्त्रालयले जनाएको छ ।
यस अवधिमा १२७१ जना संक्रमित निको भइ डिस्चार्ज भएका छन् । हालसम्म दुई लाख ३२ हजार ८७२ जना संक्रमणमुक्त भइसकेका छन् । देशभर अहिले १२ हजार १४८ जना सक्रिय संक्रमित रहेको मन्त्रालयले जनाएको छ ।
त्यसैगरी कोरोना संक्रमणबाट पछिल्लो २४ घण्टामा थप ११ जनाको मृत्यु भएको छ । संक्रमणबाट हालसम्म देशभर मृत्यु हुनेको संख्या १६७४ पुगेको स्वास्थ्य तथा जनसंख्या मन्त्रालयले जनाएको छ ।
प्रतिक्रिया दिनुहोस्
