काठमाडौं- नेपालमा पछिल्लो २४ घण्टाम ८३० जना कोराेना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार आइतबार ८३० जना संक्रमित थपिएका हुन् ।
१५ जना कोरोना संक्रमित निको भएका छन् । योसमेत हालसम्म संक्रमणमुक्त हुनेको संख्या दुई लाख ३५ हजार ७४१ पुगेको मन्त्रालयले जनाएको छ । ९४.९ प्रतिशत संक्रमित निको भएका छन् ।
आजसम्म संक्रमित हुनेको संख्या दुई लाख ४८ हजार ४२३ छ । देशभर हाल १० हजार ९९४ जना सक्रिय संक्रमित छन् ।
त्यसैगरी पछिल्लो २४ घण्टामा देशभर थप नौजनाको मृत्यु भएको छ । योसमेत हालसम्म संक्रमणबाट मृत्यु हुनेको संख्या १६९८ पुगेको स्वास्थ्य तथा जनसंख्या मन्त्रालयले जनाएको छ ।
प्रतिक्रिया दिनुहोस्
