काठमाडौं- स्पेनिस ला लिगा अन्तर्गत गएराति भएको खेलमा रियल म्याड्रिड विजयी भएको छ । रियल म्याड्रिडले एथलेटिक बिलबाओलाई ३-१ गोल अन्तरले पराजित गरेको छ ।
रियल म्याड्रिडको जितमा करिम बेन्जमाले दुई गोल गरेका थिए भने टोनी क्रूजले एक गोल गरेका थिए । त्यस्तै एथलेटिक बिलबाओका लागि एण्डर कापाले एक गोल गरेका थिए ।
यस खेलमा खेलको १३ मिनेटमा राउल ग्रासियाले रातो कार्ड पाएपछि एथलेटिक बिलबाओ १० खेलाडीमा सीमित भएको थियो ।
यो जितपछि रियल म्याड्रिडको १३ खेलपछि २६ अंकसहित लिगमा तेस्रो स्थानमा छ । त्यस्तै एथलेटिक बिलबाओको १३ खेलमा १४ अंकसहित लिगमा १३औँ स्थानमा छ ।
प्रतिक्रिया दिनुहोस्
