काठमाडौं- नेपाली क्रिकेट टिमका प्रशिक्षका अस्ट्रेलियन चर्चित क्रिकेटर देव वाटमोर नियुक्त भएका छन् । नेपाल क्रिकेट संघ (क्यान) संघको बिहीबारको बैठकले जनवरी २०२१ बाट लागु हुने गरी वाटमोरलाई नेपाली टिमको प्रशिक्षक नियुक्त गरेको हो ।
क्यानका अनुसार उनले आगामी १ जनवरीबाट नेपाली क्रिकेट टिम सम्हाल्नेछन् । वाटमोर अस्ट्रेलियाका अनुभवी क्रिकेट तथा सफल प्रशिक्षक पनि हुन् ।
उनको प्रशिक्षमा श्रीलंकाले सन् १९९६ मा क्रिकेट विश्वकपको उपाधि जितेको थियो । त्यसबेला भारत र पाकिस्तानमा आयोजित विश्वकपको फाइनलमा श्रीलंकाले अस्ट्रेलियालाई पराजित गरेको थियो ।
क्यानले रउनाबहादुर मल्ललाई जनरल म्यानेजरमा नियुक्त गरेको छ भने रमेशकुमार न्यौपानेलाई प्रमुख लेखा अधिकृतको जिम्मेवारी दिएको छ । त्यसैगरी विनोदकुमार दासलाई क्रिकेट म्यानेजरको जिम्मेवारी दिइएको छ ।
प्रतिक्रिया दिनुहोस्
