काठमाडौं- नेपाली कांग्रेसका वरिष्ठ नेता रामचन्द्र पौडेलले आन्दोलनरत उखु किसानको आन्दोलनमा ऐक्यवद्धता जनाएका छन् । शुक्रबार किसानको आन्दोलनमा एक्यवद्धता जनाउन माइतीघर पुगेका पौडेलले सामाजवाद उन्मुख राज्यमा किसानको अवस्था यसप्रकारको हुनु दुःखद् भएको बताए ।
‘म किसानको आन्दोलनमा एक्यवद्धता जनाउन आएको हुँ । समाजवाद उन्मुख राज्यमा किसानको अवस्था यही हो ?,’ पौडेलले भने, ‘व्यापारीहरू राज्यको यत्रो संयन्त्र हुँदै कसरी उम्कन्छन् ? पक्राउ पुर्जी जारी गर्ने तर व्यवहारमा काम नगर्ने गर्नु भएन । कांग्रेस पनि यो आन्दोलनमा छ ।’
चिनी मिलले उखुको भुक्तानी नगरेको भन्दै ६ दिनदेखि किसानहरूले माइतीघरमा आन्दोलन गरिरहेका छन् । उखुकाे पैसा नपाएसम्म घर नजाने उनीहरूले बताएका छन् ।
प्रतिक्रिया दिनुहोस्
