काठमाडौं- ब्राजिलका महान् फुटबलर पेलेले आफूले बनाएको कीर्तिमान बराबरी गरेकामा अर्जेन्टिनी खेलाडी लियोनेल मेस्सीलाई बधाई दिएका छन् ।
स्पेनिस ला लिगामा शनिबार राति भ्यालेन्सियाविरुद्ध बार्सिलोनाले २-२ को बराबरी खेल्दा एक गोल गर्दै मेस्सीले पेलेले एकै क्लबका लागि सर्वाधिक गोल गरेर बनाएको कीर्तिमान बराबरी गरेका हुन् । यो उनको ६४३औं गोल हो ।
पेलेले सान्तोष क्लबमा रहँदा बनाएको यो कीर्तिमानलाई आधा शताब्दीपछि मेस्सीले बराबरी गरेका हुन् । मेस्सीले आफ्नो कीर्तिमान बराबरी गरेपछि पेलेले सामाजिक सञ्जालमार्फत् बधाई दिएका हुन् ।
उनले इन्स्टाग्राममा लेखेका छन्, ‘तिमीलाई जस्तै मलाई पनि थाहा छ हरेक दिन एउटै जर्सी लगाउनुको माया । तिमीलाई जस्तै मलाई पनि थाहा छ आफूलाई घरजस्तो लाग्ने ठाउँभन्दा राम्रो अरू कुनै ठाउँ छैन ।’
प्रतिक्रिया दिनुहोस्
