काठमाडौं- स्थानीय बजारमा आज सुनको मूल्य प्रतितोला ९०० ले उकालो लागेको छ । छापावाला सुन आज प्रतितोला ९५ हजार २०० मा कारोवार भएको छ ।
छापावाला सुन आइतबार प्रतितोला ९४ हजार ३०० मा कारोवार भएको थियो।यस्तै तेजाबी सुन प्रतितोला ८५० ले वृद्धि भएको छ ।तेजाबी सुन आजका लागि प्रतितोला ९४ हजार ७०० मा कारोवार भएको नेपाल सुनचाँदी व्यवसायी महासङ्घले जनाएको छ ।
तेजाबी सुन आइतबार प्रतितोला ९३ हजार ८५० मा कारोवार भएको थियो।यस्तै चाँदीको मूल्य भने तोलामा ४० ले वृद्धि भएको छ । चाँदी प्रतितोला आज एक हजार ३२० मा कारोवार भएको छ ।
प्रतिक्रिया दिनुहोस्
