काठमाडौं- नेपाल कम्युनिस्ट पार्टी (नेकपा) का पुष्पकमल दाहाल (प्रचण्ड) र माधवकुमार नेपाल समूहका नेता डा.भीम रावलले प्रधानमन्त्री केपी शर्मा ओलीले आफूलाई पार्टीभित्रैबाट काम गर्न नदिएको भन्ने भनाइको खण्डन गरेका छन् । शनिबार रिपोर्टर्स क्लब नेपालले आयोजना गरेको साक्षात्कारमा बोल्दै नेता रावलले यस्तो खण्डन गरेका हुन् ।
‘हामीले के काम गर्न दिएनौं ? रेल अहिले कात्रो ओढाएर राखिएको छ । फलामहरू आज चोरी हुँदैछ । त्यही पनि हामीले रोकेनौं,’ डा.रावलले भने, ‘जहाज चलाउँछौं भन्नुभयो, हामीले रोकेनौं । रातारात झिलिमिली पार्छु भन्नुभयो, हामीले रोकेनौं । निजगढ, पोखरा, भैरहवा विमानस्थल हामीले बनाऔं भनेकै छौं । तर, हामीले जनघाती कामको भने विरोध गरेका छौं ।’
प्रतिक्रिया दिनुहोस्
