काठमाडौं- प्रदेश १ का मुख्यमन्त्री शेरधन राईले आर्थिक ममिला तथा योजना मन्त्री इन्द्रबहादुर आङ्बोलाई पदमुक्त गरेका छन् ।
मुख्यमन्त्री राईका प्रेस सल्लाहकार ध्रुव सुवेदीका अनुसार सरकार ढाल्ने गतिविधिमा संलग्न रहेको र अविश्वासको प्रस्तावका लागि हस्ताक्षर अभियान सञ्चालन गरेको भन्दै मुख्यमन्त्री राईले मन्त्री आङ्बोलाई पदमुक्त गरेका हुन् ।
मुख्यमन्त्री राईले नेपालको संविधानको धारा १६२ को उपधारा २ अनुसार मन्त्री आङ्बोलाई बर्खास्त गरेको सुवेदीले बताए ।
मन्त्री आङ्बो प्रचण्ड-नेपाल समूहका हुन् भने मुख्यमन्त्री राई ओली समूहका हुन् । मन्त्री आङ्बोले भोलि आइतबार सरकारविरुद्ध अविश्वासको प्रस्ताव लैजाने बताएका छन् ।
प्रतिक्रिया दिनुहोस्
