काठमाडौं- राष्ट्रिय प्रजातन्त्र पार्टी (राप्रपा) का अध्यक्ष कमल थापाले सनातन हिन्दु धर्मप्रति आक्रमण भइरहेको बताएका छन् । आइतबार ट्वीटरमा लेख्दै अध्यक्ष थापाले हिन्दु धर्ममाथि आक्रमण भएको बताएका हुन् ।
‘कुनै धर्मप्रति मेरो वैमनस्यता र विरोध छैन । तर, २००७ सालमा २ दर्जन क्रिश्चियन भएको नेपालमा लोभलालच र भ्रम सिर्जना गरेर तथा संगठितरूपमा भैरहेको धर्म परिवर्तनको परिणामस्वरूप अहिले करिव ४० लाख पुगेको छ । हाम्रो गौरवशाली सनातन धर्म र सभ्यतामाथिको यो आक्रमणले असह्य पीडा हुन्छ । के तपाईंको मन दुःख्दैन ?,’ थापाले ट्वीटरमा लेखेका छन् ।
त्यसैगरी अध्यक्ष थापााले धर्मपरिवर्तनको निशानामा सबैभन्दा बढी आदिवासी/जनजाति/दलित समुदाय परेको बताएका छन् । उनले भने, ‘धर्मपरिवर्तनको निशानामा सबैभन्दा बढी आदिवासी/जनजाति/दलित समुदाय परेका छन् ।’
अध्यक्ष थापाले पहिचानको रक्षा गरौं भन्ने कथित छद्मभेषीहरू आदिवासी/जनजाति/दलित समुदायको पहिचान मेटाउने षडयन्त्रका मतियार भएको पनि आरोप लगाएका छन् । उनीहरूले डलरसँग राष्ट्रको पहिचानरगौरव बेच्ने गद्दारी गरिरहेको दाबी गर्दै थापाले सनातन धर्म संस्कृतिको रक्षा गर्न सबैलाई आग्रह गरेका छन् ।
कुनै धर्मप्रति मेरो वैमनस्यता/विरोध छैन।तर,२००७सालमा २दर्जन क्रिश्चियन भएको नेपालमा लोभलालच/भ्रम सिर्जना गरेर तथा संगठितरूपमा भैरहेको धर्मपरिवर्तनको परिणामस्वरूप अहिले करिव ४०लाख पुगेको छ।हाम्रो गौरवशाली सनातन धर्म/सभ्यता माथीको यो आक्रमणले असह्य पिडा हुन्छ।के तपाईको मन दु:ख्दैन?
— Kamal Thapa (@KTnepal) December 27, 2020
धर्मपरिवर्तनको निशानामा सबैभन्दा बढी आदिवासी/जनजाति/दलित समुदाय परेका छन्।पहिचानको रक्षा गरौं भन्ने कथित छद्मभेषीहरू आदिवासी/जनजाति/दलित समुदायको पहिचान मेटाउने षडयन्त्रका मतियार हुन्।यिनले डलरसंग राष्ट्रको पहिचान/गौरव बेच्ने गद्दारी गरिरहेका छन्।
सनातन धर्म संस्कृतिको रक्षा गरौं— Kamal Thapa (@KTnepal) December 27, 2020
