काठमाडौं- पत्नी सीता दाहालको स्थास्थ्यमा समस्या भएसँगै नेकपाका अध्यक्ष पुष्पकमल दाहाल (प्रचण्ड) उनको उपचारका लागि भारत गएका छन् । प्रचण्ड पत्नीको उपचारका लागि आज बिहान ११:३० मा भारतको मुम्बईतर्फ लागेका हुन् ।
आइतबारको नेकपा (प्रचण्ड–नेपाल) समूहको स्थायी समिति बैठक प्रचण्डले पत्नी सीतालाई थप उपचारका लागि भारत लैजानुपर्ने भएको जानकारी दिएको थियो ।
पत्नी सीता वंशानुगत पार्किन्सन जस्तै देखिने रोगबाट लामो समयदेखि ग्रसित छिन् । गत बुधबार उनको स्वास्थ्यमा समस्या देखिएपछि मेडीसिटी अस्पताल भर्ना गरिएको थियो ।
मुम्बईस्थित कुन अस्पतालमा उनको उपचार हुने भन्ने बारेमा भने केही खुलाइएको छैन ।