काठमाडौं- पछिल्ला दुई महिनादेखि सार्वजनिक रुपमा नदेखिएका अलिबाबाका संस्थापक तथा चिनियाँ अर्बपति ज्याक मा हराएको आशंका गरिएको छ ।
अक्टोबर २४, २०२० मा चीनको वित्तीय पर्यवेक्षण प्रणालीको आलोचना गरेपछि उनी विवादमा परेका थिए । यसपछि हालसम्म उनी कतै देखिएका छैनन । उनी अक्टुबर १० देखि ट्विटरमा पनि सक्रिय छैनन ।
बेलायती पब्लिकेशन द टेलिग्राफका अनुसार ज्याक मा आफ्नै एक ट्यालेन्ट सो अफ्रिकाज बिजनेस हिरोजको अन्तिम इपिसोडमा उपस्थित नभएपछि उनी हराएको आशंका गरिएको हो । उक्त शोमा उनलाई निर्णायक मण्डलको रुपमा छानिएको थियो ।
अलिबाबाका प्रवक्ताले बताएअनुसार संस्थापकले सेड्युलको द्वन्द्वको कारण ज्याक मा फिनाले फाइनल जज प्यानलमा सहभागी हुन नसकेको बताएका छन् ।
प्रतिक्रिया दिनुहोस्
