तेहरान- इरानले इन्टरपोलमार्फत ‘रेड नोटिस’ जारी गरि अमेरिकी राष्ट्रपति डोनाल्ड ट्रम्पलाई पक्राउ गर्न आग्रह गरेको छ ।
इरानी न्यायपालिकाका प्रवक्ता घोलाहोसेन इस्माइलीले मंगलबार एक प्रेस सम्मेलनको बेला इरानले अन्तर्राष्ट्रिय प्रहरी संगठन इन्टरपोललाई ट्रम्पसहित अन्य ४७ अमेरिकी अधिकारीलाई पक्राउ गर्न अनुरोध गरेका हुन् । गत वर्ष जनरल कासिम सुलेमानीको हत्यामा भूमिकामा रहेको आरोप लगाएका छन् ।
‘इस्लामिक गणतन्त्र इरानले गम्भीरताका साथ यस अपराधको आदेश दिने र कार्यान्वयन गर्ने दुवैलाई सजाय दिने कुरामा पहल गरिरहेको छ’ इस्माइलीले पत्रकारहरुसँग भने ।
इरानको रिभोलुसनरी गार्ड क्रप्सका वरिष्ठ अधिकारी सुलेमानीको गत वर्ष जनवरी ३ मा इराकको बगदादमा अमेरिकी ड्रोन हमलाबाट हत्या भएको थियो । यस हत्या अमेरिकी राष्ट्रपति ट्रम्पको आदेशमा भएको थियो । यो हत्यालाई अन्तर्राष्ट्रिय कानुनको विरुद्ध मानिन्छ ।
ट्रम्प र पेन्टागनका दर्जनौं अमेरिकी अधिकारी तथा युएस केन्द्रीय कमाण्डलगायत अन्य संगठनका अधिकारीलाई अन्तर्राष्ट्रिय गिरफ्तारी वारेन्ट लागि इरानले गरेको यो दोस्रो आग्रह हो ।
गत जुनमा तेहरानका अभियोजक अली अलकासिमेहरले ट्रम्प र दर्जनौं अमेरिकी अधिकारीहरूको गिरफ्तारी वारेन्टका लागि अनुरोध गरेका थिए, जसमा अमेरिकी अधिकारीहरूलाई हत्या र आतंकवाद आरोप लगाइएको थियो । तर इन्टरपोलले इरानको अनुरोध अस्वीकार गर्दै यसको संविधानले राजनीतिक, सैन्य, धार्मिक वा जातीय चरित्रको कुनै हस्तक्षेप वा गतिविधि गर्नबाट प्रतिबन्ध लगाएको स्पष्टिकरण दियो ।
