काठमाडौं- प्रधानमन्त्रीका प्रेस सल्लाहकार सूर्य थापाले चार पूर्वप्रधानन्यायाधीशले अदालतमा विचाराधिन मुद्दालाई प्रभावित पार्ने गरी वक्तव्यवाजी गरेर गति छाडेको बताएका छन् ।
शुक्रबार चार पूर्वप्रधानन्यायाधीशहरू मीनवहादुर रायमाझी, अनुपराज शर्मा, कल्याण श्रेष्ठ र सुशीला कार्कीले संयुक्त विज्ञप्ति जारी गर्दै प्रतिनिधिसभा विघटन असंवैधानिक भएको जनाएका थिए ।
सल्लाहकार थापाले आज थापाले उनीहरूको कदममा विचाराधिन मुद्दालाई प्रभावित पार्ने दुरासयबाट प्रेरित भएको बताएका हुन् ।
उनले संविधानको भाग ११ न्यायपालिका सम्बन्धी व्यवस्थाको बर्खिलापमा यो वक्तव्य आएको उल्लेख गरेका छन् । यसले भिडको चाहना अनुसार फैसला गर्न प्रेरित गरेको प्रष्ट हुने उनको भनाइ छ ।
थापाले स्वतन्त्र न्यायपालिकाको मर्याद र सम्मान अभिवृद्धि गर्नका निम्ति अवकाशको जीवनमा यो काम गर्नु गतल भएको बताउँदै फेसबुकमा लेखेका छन्, ‘कमसेकम सम्मानित सर्वोच्च अदालतको नेतृत्व गरिसक्नुभएका महाशयहरूले यसरी गति नछाडिदिए मात्रै पनि स्वतन्त्र न्यायपालिकाको मर्यादा र सम्मान अभिवृद्धि गर्न अवकाशको जीवनमा समेत सकारात्मक योगदान गरेको ठहरिन्थ्यो होला ।’
रिटायर्ड प्रधानन्यायाधीशहरूले संवैधानिक इजलाशले गरिरहेको सुनुवाइलाई प्रभावित गर्न जारी गरेको संयुक्त वक्तव्य संवैधानिक प्रावधानका हिसाबले पूर्णतः गलत भएको उनले उल्लेख गरेका छन् ।
चार जना पूर्व प्रधानन्यायाधीशहरूकाे असंबैधानिक वक्तव्यबाजीबाट संविधानकाे भाग ११, न्यायपालिकासम्बन्धी व्यवस्थाकाे बर्खिलाप कार्य भएकाे छ । यसले अदालतलाई प्रभावित गर्ने र भिंडकाे निहीत चाहनामुताविक फैसला गर्न प्रेरित र बाध्य गर्ने उहाँहरूकाे दुराशय स्पष्ट पारेको छ । pic.twitter.com/IE2ejR3zUg
— Surya Thapa (@ThapajiSurya) January 9, 2021
