लेबनान- लेबनानमा कोभिडका संक्रमितहरुको संख्या झन् बढ्दै गएको छ । पहिलेको तुलनामा संक्रमितहरु झन् ठूलो संख्यामा देखिइरहेका अधिकारीहरुले जनाएका छन् ।
राजधानी बेरुतमा शुक्रबार मात्र ५ हजार ४४० जना नयाँ संक्रमित भेटिएका छन् । यहाँ एकै दिन यति धेरै संख्यामा संक्रमित देखिएको यो पहिलोपटक हो ।
बिहीबार मात्र पनि यहाँ ५ हजार जना भन्दा बढी व्यक्तिमा संक्रमण देखिएको थियो । त्यसपछि सरकारले देशव्यापी रुपमा लकडाउनको घोषणा गरेको थियो ।
लेबनानमा पछिल्लो समयमा कोभिडका संक्रमितहरुको संख्या पहिलेको तुलनामा निकै बढ्दै गएको पाइएको छ । जसका कारण यहाँको सरकारले कडा खालको लकडाउन गरिरहेको छ ।