काठमाडौं- देशका अधिकांश भूभागमा आजको मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।
तर प्रदेश १ र प्रदेश २ मा आंशिक देखि सामान्य बदली रहने मौसमविद्ले जनाएका छन् ।
आइतबार राति प्रदेश १ मा आंशिक बदली रही अन्य भूभागहरुमा मौसम सामान्यतया सफा रहने महाशाखाले जारी गरेको सूचनामा उल्लेख छ ।
बिहान देशका केही भूभागमा आंशिक बदली रहेको थियो । हाल नेपालमा कुनै उल्लेखनीय मौसमी प्रणाली नरहेको मौसमविद्ले बताएका छन् । तर मौसम सफा रहे पनि तापक्रममा हल्का गिरावट आइ चिसो बढ्न सक्ने भएकोले सतर्कता अपनाउन मौसमविद्ले आग्रह गरेका छन् ।
प्रतिक्रिया दिनुहोस्
