काठमाडौं- बिन्दवासिनी म्युजिक कम्पनीकी कार्यकारी प्रमुख लिना शर्मा रेग्मी पक्राउ परेकी छन् ।
गायक प्रमोद खरेलले तीन दिनअघि आफ्नो प्रतिलिपी अधिकार हनन् भएको, सञ्चालकले आफ्नो मानहानी गरेको र करार उल्लंघन गरेको लगायतका विषयमा प्रहरीमा उजुरी दिएका थिए ।
साेही उजुरीका आधारमा प्रहरीले कार्यकारी प्रमुख रेग्मीलाई पक्राउ गरेको हो । बिन्दवासिनी म्युजिक कम्पनीका सञ्चालक सुवास रेग्मीकी पत्नी हुन् ।
महानगरीय प्रहरी परिसर टेकुका प्रवक्ता प्रमेश विष्टका अनुसार लिनालाई साँझ ६ बजे धुम्वाराही आसपासबाट प्रक्राउ गरिएको हो ।
उनले प्रतिलिपी अधिकार हनन्को विषयमा प्रहरीसँग आएको उजुरीमाथि अनुसन्धान गरी आवश्यक प्रमाण जुटाउनका लागि रेग्मीलाई नियन्त्रणमा लिएको जानकारी दिए ।
प्रतिक्रिया दिनुहोस्
