विराटनगर- विराटनगरमा कलेजको बस दुर्घटना हुँदा पाँचजना विद्यार्थी घाइते भएका छन् । विराटनगरको मेरील्याण्ड कलेजको बा.२ ख ४५८ नम्बरको बस सुनवर्षी नगरपालिकाबाट विद्यार्थी लिएर आउने क्रममा मंगलबार बिहान दुर्घटनामा परेको हो ।
रंगेलीस्थित इलाका प्रहरी कार्यालयका अनुसार विद्यार्थी लिएर विराटनगर जाने क्रममा सुनवर्षी नगरपालिकाको भेडुवाथानमा बस दुर्घटनामा परेको हो ।
बस दुर्घटनामा रतुवामाई नगरपालिकाकी निशा ताजपुरिया, रेजिना घिमिरे, श्रद्धा भट्टराई, मनिषा राजवंशी, विशाल कुमार मण्डल घाइते भएको प्रहरी कार्यालयका प्रहरी निरीक्षक अनमोल खड्काले जानकारी दिए ।
प्रतिक्रिया दिनुहोस्
