काठमाडौं- इंग्लिस प्रिमियर लिग फुटबलको शीर्ष स्थानमा लेस्टर सिटी पुगेको छ । मंगलबार राति भएको खेलमा जित निकाल्दै लेस्टर सिटी शीर्ष स्थानमा गएको हो ।
घरेलु मैदानमा भएको खेलमा लेस्टर सिटीले चेल्सीमाथि २-० को जित दर्ता गरेको हो । लेस्टरले दुवै गोल पहिलो हाफमा नै गरेको हो । उसका लागि छैटौँ मिनेटमा विल्फ्रेड एनडिडीले गोल गरे । ४१ औँ मिनेटमा जेम्स म्याडिसनले गोल गरेर टिमको अग्रता दोब्बर पारे ।
दोस्रो हाफमा दुवै तर्फबाट गोल हुन सकेन र लेस्टर सिटी २-० ले विजयी भयो । म्यानचेस्टर युनाइटेडलाई एक अंकले पछि पारेको लेस्टर सिटीको १९ खेलबाट ३८ अंक भएको छ । पराजित भएको चेल्सी १९ खेलबाट २९ अंकसहित आठौँ स्थानमा छ ।
प्रतिक्रिया दिनुहोस्
