काठमाडौं- नवनिर्वाचित अमेरिकी राष्ट्रपति जो बाइडेनले आज शपथ लिंदै छन् । सपथग्रहण कार्यक्रममा राष्ट्रपति डोनाल्ड ट्रम्प सहभागी नहुने बताइएको छ ।
अमेरिकामा २० जनवरीको दिन नवनिर्वाचित राष्ट्रपतिले शपथग्रहण लिने परम्परा छ । यो दिन निर्वाचित राष्ट्रपतिको स्वागत तथा निवर्तमान राष्ट्रपतिको बिदाइ गरिन्छ ।
डेमोक्रेटिक पार्टीका बाइडेनले आज राति १०ः४५ बजे ४६औँ राष्ट्रपतिका रूपमा शपथ लिनेछन् । क्यापिटल हिलमा यसपटकको शपथ समारोह सामान्य हुनेछ ।
कोरोना भाइरसका कारण ८० प्रतिशत शपथ कार्यक्रम भर्चुअल रूपमा गरिन लागेको हो । अमेरिकाको राजधानी वासिङ्टन डिसीलगायत ५० राज्यमा सुरक्षा व्यवस्था निकै बलियो बनाइएको छ ।
बाइडेनको शपथमा राष्ट्रपति ट्रम्प सहभागी नहुने भएका छन् ।