काठमाडौं- गायिका रचना रिमाल र गायक प्रविन बेडवालको स्वरमा रहेको नयाँ गीत ‘तिमी कस्की छोरी’ सार्वजनिक गरिएको छ । केही दिनअघि सार्वजनिक गरिएको गीतको शब्द दीपक शर्माले लेखेका हुन् । संगीत पनि शर्माले नै भरेका छन् ।
गीतको भिडियोमा नायिका सुरक्षा पन्तको अभिनय देख्न सकिन्छ । सुरक्षाका प्रेमीको रूपमा शम्भु घिमिरेले अभिनय गरेका छन् । तनहुँको बन्दीपुरस्थित रामकोटगाउँमा छायांकन गरिएको दृश्यमा सुरक्षा गाउँले युवतीको अवतारमा देखा परेकी छन् ।
आरोन अशोककुमारको छायांकन रहेको भिडियोको सम्पादन निर्देशक लक्ष्मण सुनारको रहेको छ । नरेन्द्र वियोगीको एरेन्ज रहेको गीतको मिक्स मास्टरिगं साजन शाहले गरेका हुन् ।
प्रतिक्रिया दिनुहोस्
