काठमाडौं- प्रधानमन्त्री केपी शर्मा ओलीले आज राष्ट्रिय सभागृहमा ‘विशेष सम्बोधन’ गर्दै छन् । त्यसका लागि उनी केही बेरमा त्यहाँ पुग्दैछन् ।
उनका प्रेस सल्लाहकार सूर्य थापाले दिएको जानकारीअनुसार प्रधानमन्त्री ओलीले आज हुने प्रेस संगठन नेपालको दोस्रो राष्ट्रिय भेलालाई सम्बोधन गर्ने भएका हुन् ।
प्रतिनिधिसभा विघटन गरेयता नेकपा दुई खेमामा विभाजन भएको छ । एक समूह प्रधानमन्त्री ओलीले नेतृत्व गरेका छन् भने अर्को समूह पुष्पकमल दाहाल (प्रचण्ड) र माधवकुमार नेपालले नेतृत्व गरेका छन् ।
यी दुई समूहले अलग–अलग बैठक र सभा गर्दै एकअर्कालाई आरोप लगाइरहेका छन् । बुधबार मात्र काठमाडौंमै प्रचण्ड–नेपाल समूहले सम्पादकहरूसँग अन्तरक्रिया गरेको थियो ।
प्रतिक्रिया दिनुहोस्
