काठमाडौं- नेकपा प्रचण्ड-नेपाल समूहका अध्यक्ष पुष्पकमल दाहाल (प्रचण्ड) ले प्रधानमन्त्री केपी शर्मा ओलीले शान्ति प्रक्रिया विघटन गर्न चाहेको बताएका छन् ।
शुक्रबार आफ्नो समूहले राजधानीमा गरेको शक्ति प्रदर्शन सभालाई सम्बोधन गर्दै प्रचण्डले सो कुरा बताएका हुन् ।
‘संसद् विघटन ठीक हो’ भन्ने मानिस आफूले नदेखेको बताउँदै उनले शान्ति प्रक्रिया विघटन गर्न ओलीले चाहेको बताए । उनले भने, ‘केपी ओलीले शान्ति प्रक्रिया विघटन गर्न चाहेका छन् । खबरदार केपी !’ ‘केपी ओलीले संविधानविरुद्ध प्रतिनिधि सभा विघटन गरेको मात्र नभई शान्ति प्रक्रिया र संघीय व्यवस्था नै विघटन गर्न खोजेका छन्,’ शुक्रबार सो पार्टीले आयोजना गरेको विरोध सभालाई सम्बोधन गर्दै प्रचण्डले भने, ‘खबरदार त्यस्ता कदमलाई यो जनसागरले त्यसलाई पराजित गर्नेछ।’
प्रतिक्रिया दिनुहोस्
