नयाँदिल्ली- भारतमा कोभिड-१९ संक्रमणपछि निको हुने बिरामीको दर ९६.८२ प्रतिशत रहेको संघीय स्वास्थ्य मन्त्रालयले शनिबार बताएको छ ।
अहिलेसम्म भारतमा कूल एक करोड तीन लाख ८३८ कोभिड–१९ संक्रमित बिरामी निको भई घर फर्किएका छन् भने एक लाख ८५ हजार ६६२ विरामी स्वास्थ्यकर्मीको निगरानीमा रहेका मन्त्रालयले उल्लेख गरेको छ ।
कोभिड–१९ संक्रमितहरू निको भई घर फर्किने क्रम निरन्तर बढिरहेकोले देशमा सक्रिय संक्रमितका संख्यामा पनि कमी आएको छ ।
भारतभर विगत २४ घण्टामा संक्रमण पुष्टि भएका व्यक्तिको संख्या १४२५६ रहेको छ । यो अवधिमा निको भई घर फर्किने बिरामीको संख्या १७ हजार १३० रहेको छ ।
प्रतिक्रिया दिनुहोस्
