काठमाडौं- सरकारले करार सेवामा ४७ हजार जना कर्मचारी माग गरेको छ ।
केन्द्रीय तथ्यांक विभागले राष्ट्रिय जनगणना कार्यक्रमअन्तर्गत राष्ट्रिय जनगणना, २०७८ मा तथ्यांक संकलन तथा सुपरीवेक्षण गर्ने कार्यका लागि सो संख्यामा कर्मचारी माग गरेको हो ।
विभागले ६० दिनभित्र दरखास्त पेश गर्न बुधबार जारी गरेको सूचनामार्फत अनुरोध गरेको छ । विभागका अनुसार सुपरीवेक्षक ८ हजार जना माग भएको छ भने गणक ३९ हजार माग गरिएको छ ।
आवेदन दिनेमध्येबाट निश्चित मापदण्डको आधारमा सर्टलिस्ट गरिने सूचनामा उल्लेख छ ।
प्रतिक्रिया दिनुहोस्
