काठमाडौं- प्रधानमन्त्री केपी शर्मा ओलीले सूर्य चिन्ह कसैले दाबी गर्न नपाउने बताएका छन् । जिफन्टले बिहीबार काठमाडौंमा आयोजना गरेको कार्यक्रममा बाेल्दै ओलीले यस्तो बताएका हुन् ।
प्रचण्ड र माधव नेपालले सूर्य चिन्ह दाबी गरिरहेका बेला ओलीले सूर्य चिन्हका बारेमा स्पष्ट पारे । आफूहरू नै आधिकारिक नेकपा भएको बताउँदै उनले सूर्य चिन्ह चाहिए पार्टीमा फर्किनु पर्ने बताए ।
ओलीले भने, ‘सूर्य चिन्ह बनाउने हामी, सूर्य चिन्ह दर्ता गर्ने हामी, जिन्दगीभरी सूर्य चिन्हको प्रचार गर्ने हामी । सूर्य चिन्हबाट चुनाव लड्ने हामी । चुनाव लडेर जित्ने हामी । जिन्दगीभर सूर्य चिन्हमा छाप नलगाएको मान्छेले सूर्य चिन्ह मेरो भन्छ !’
निर्वाचन आयोगमा धाएर मात्रै सूर्य चिन्ह नपाइने बताउँदै प्रधानमन्त्री ओलीले प्रचण्डलाई प्रश्न गरे, ‘कहिलेबाट तपाईंको भयो सूर्य चिन्ह ?’
प्रतिक्रिया दिनुहोस्
