काठमाडौं- नेकपा प्रचण्ड–नेपाल समूहका अध्यक्ष पुष्पकमल दाहाल (प्रचण्ड) ले चुट्कीको भरमा प्रधानमन्त्री केपी शर्मा ओलीको निरंकुशता ध्वस्त पार्ने बताएका छन् ।
प्रतिनिधिसभा विघटनविरुद्ध आन्दोलन गरिरहेको सो समूहले आज बुटवलमा गरेको विराेधसभालाई सम्बोधन गर्दै प्रचण्डले सो कुरा बताएका हुन् ।
प्रचण्डले भने, ‘नेपाली जनताले २१ सय वर्ष पुरानो सामन्ती राजतन्त्र, ढाइसय वर्ष सामन्ती शाही राजतन्त्रलाई लात्ताले हिर्काएर, उसको श्रीपेज खोसेर उसलाई जंगल पठाउन सकेको छ भने अब केपी ओलीको निरंकुशता चुट्कीको भरमा ध्वस्त हुनेछ, हेर्नुहोला । केही महिनाभित्र केपी ओलीको स्वेच्छाचारिताको अन्त्य हुनेछ । नेपाली जनता विजयी हुनेछन् ।’
७० वर्षदेखि लडेर ल्याएको लोकतन्त्रको रक्षाका लागि आफूहरूले आन्दोलन गरेको बताउँदै प्रचण्डले केपी ओलीले लोकतन्त्रको हत्या गरेर श्री ३ महाराजधिराज बन्ने सपना देखेको बताए ।
