नयाँ दिल्ली- भारतमा बर्ष २०२१/२२ का लागि रक्षा बजेटमा अत्यधिक वृद्धि गरिएको छ । रक्षा शीर्षकमा बजेट अत्यधिक धेरै छुुट्याइएकोमा रक्षा मन्त्री राजनाथ सिंहले प्रधानमन्त्री नरेन्द्र मोदी र अर्थमन्त्री निर्मला सीतारमणलाई धन्यवाद दिएका छन् ।
अर्थमन्त्री सितारमणले रक्षाका लागि ४.७८ लाख करोड बजेट छुट्याइएको घोषणा गरेका छन् । रक्षाका लागि अहिले छुट्याइएको रकम १५ बर्षपछिकै सबैभन्दा धेरै भएको बताइएको छ ।
अधिकारीहरुका अनुसार अघिल्लो बर्ष रक्षाका लागि ४.७१ करोड भारतीय रुपैयाँ छुट्याइएको थियो । अर्थमन्त्री सीतारमणले सोमबार भारतको केन्द्रीय सरकारको बार्षिक बजेट घोषणा गरेका छन् । भारतको यस बर्षको बजेट ४.७८ करोडको रहेको छ ।
‘अघिल्लो बर्षको तुलनामा यस बर्ष रक्षाका लागि १९ प्रतिशत बजेट वृद्धि भएको छ, यो रकम १५ बर्षपछिकै सवैभन्दा धेरै हो,’ रक्षामन्त्री सिंहले भने ।
