काठमाडाैं- नेपालमा थप १४२ जनामा कोरोना भाइरसको संक्रमण पुष्टि भएको छ । बुधबार स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४२ जनामा कोरोना पुष्टि भएको हो ।
योसहित हालसम्म संक्रमित हुनेको कुल संख्या दुई लाख ७१ हजार ४३१ पुगेको छ । पछिल्लो २४ घण्टामा २०६ जना निको भएर फर्किएका छन् ।
योसहित कोरोनाबाट निको हुनेको कुल संख्या दुई लाख ६७ हजार ६५ पुगेको छ ।
पछिल्लो २४ घण्टामा कोरोनाले थप एक जनाको मृत्यु भएको छ । योसहित कोरोनाबाट मृत्यु हुनेको संख्या २०३१ पुगेको छ ।