काठमाडौं- संवैधानिक परिषद्ले गरेका नियुक्ति र शपथग्रहणसमेत गैरकानुनी तथा असंवैधानिक भन्दै सभामुख अग्नि सापकोटाले दायर गरेको रिटको पेसी आइतबारलाई तोकिएको छ । शुक्रबार सापकोटा आफैं रिट लिएर सर्वोच्च अदालत पुगेका थिए ।
सभामुखले रिटमा बुधवार राष्ट्रपति कार्यालयमा शपथग्रहण गरेका ३२ जना संवैधानिक अंगका प्रमुख र सदस्यहरू सबैलाई विपक्षी बनाएका छन् ।
सभामुख सापकोटासहित विभाजित नेकपाका शशी श्रेष्ठ, रामकुमारी झाँक्री, अमृता थापालगायतका विघटित प्रतिनिधिसभाका सदस्यहरू पनि शपथग्रहण र नियुक्ति बदर गर्न माग गर्दै अदालत पुगेका थिए ।
प्रतिक्रिया दिनुहोस्
