काठमाडौं- नेपालमा कोरोना भाइरसका ११९ जना संक्रमित थपिएका छन् । पछिल्लो २४ घण्टामा कोरोनाका २६० जना संक्रमित निको भएर घर फर्केका छन् ।
स्वास्थ्य तथा जनसंख्या मन्त्रालयले कोभिड १९ सम्बन्धी विवरण अद्यावधिक गर्दै थपिएका संक्रमितसँगै नेपालमा कुल संक्रमितको संख्या दुई लाख ७१ हजार ९२५ पुगेको जनाएको छ ।
जसमध्ये दुई लाख ६८ हजार ७२ जना संक्रमित निको भएका छन् । नेपालमा अहिलेसम्म ९८.५८ प्रतिशत निको भएका छन् ।
हाल एक हजार ८१५ जना संक्रमित आइसोलेशनमा छन् । पछिल्लो २४ घण्टामा दुई हजार २५१ वटा पीसीआर परीक्षण गरिएको थियो ।
हालसम्म २० लाख ९३ हजार ४१७ जनाको पीसीआर परीक्षण गरिएको छ ।
पछिल्लो २४ घण्टामा तीनजना संक्रमितको मृत्यु भएको छ ।
हालसम्म दुई हजार ३८ जना संक्रमितले ज्यान गुमाएका छन् । हाल ९२ जना क्वारेन्टिनमा छन् ।
प्रतिक्रिया दिनुहोस्
