काठमाडौं- नेपालमा कोरोना भाइरसका १३० जना संक्रमित थपिएका छन् । पछिल्लो २४ घण्टामा कोरोनाका १९४ जना ससंक्रमित निको भएर घर फर्केका छन् ।
पछिल्लो २४ घण्टामा तीन हजार ३३३ वटा पीसीआर परीक्षण गरिएको थियो । हालसम्म २० लाख ९६ हजार ७५० जनाको पीसीआर परीक्षण गरिएको छ ।
स्वास्थ्य तथा जनसंख्या मन्त्रालयले कोभिड १९ सम्बन्धी विवरण अद्यावधिक गर्दै थपिएका ससंक्रमितसँगै नेपालमा कुल ससंक्रमितको संख्या दुई लाख ७२ हजार ५५ पुगेको जनाएको छ ।
जसमध्ये दुई लाख ६८ हजार २६६ जना ससंक्रमित निको भएका छन् । नेपालमा ९८.६१ प्रतिशत ससंक्रमित निको भएर घर फर्केका छन् ।
हाल एक हजार ७४४ जना ससंक्रमित आइसोलेशनमा छन् । हाल ९२ जना क्वारेन्टिनमा छन् ।
पछिल्लो २४ घण्टामा सातजना ससंक्रमितको मृत्यु भएको छ । हालसम्म दुई हजार ४५ जना सङ्क्रमितले ज्यान गुमाएका छन् ।
प्रतिक्रिया दिनुहोस्
