गोरखा- गोरखा सडकखण्डअन्तर्गत गोरखा नगरपालिका-१२ स्थित नौ किलोमा बिहीबार भएको सवारी दुर्घटनामा एक जनाको मुत्यु भएको छ ।
दुर्घटनामा घाइते चितवन घर भइ काठमाडौंस्थित मनमैजु बस्ने ३१ वर्षीय केशव दवाडीको ज्यान गएको जिल्ला प्रहरी कार्यालय गोरखाले जनाएको छ । टाउकोमा चोट लागेका उनको उपचारको क्रममा गोरखा अस्पतालमा मृत्यु भएको प्रहरीले जनाएको छ ।
गोरखाबाट नारायणगढतर्फ जाँदै गरेको ग १ ख ४५२२ नम्बरको यात्रुवाहक बस र विपरीत दिशाबाट आउँदै गरेको ०२–०२२ प ६४२२ नम्बरको मोटरसाइकल एक आपसमा ठोक्किएर दुर्घटना भएको उनले बताए ।
दुर्घटनामा मोटरसाइकल चालक सिरानचोक गाउँपालिका-८ का १७ वर्षीय विशाल पन्त र मोटरसाइलमा सवार दवाडी घाइते भएका थिए ।
मोटरसाइकल चालक पन्तको आँबुखैरेनीस्थित छिम्केश्वरी सामान्य उपचार पश्चात थप उपचारका लागि चितवन रिफर गरिएको प्रहरीले जनाएको छ ।
प्रतिक्रिया दिनुहोस्
