काठमाडौं- कोरोना भाइरसका कारण प्रभावित भएको आइसिसी क्रिकेट विश्वकप लिग–२ अन्तर्गत नेपाल, अमेरिका र ओमानबीचको त्रिकोणात्मक सिरिज फेरि स्थगित भएको छ ।
नेपाल क्रिकेट संघ (क्यान) का अनुसार कोभिड–१९ को प्रभाव, लामो क्वारेन्टिनको प्रावधान र विभिन्न देशको भ्रमण प्रतिबन्धका कारण सिरिज स्थगित भएको हो । आइसिसी विश्वकप क्रिकेट लिग–२ का लागि छनोट भएका ३२ खेलाडी अहिले बन्द प्रशिक्षणमा छन् । अन्तर्राष्ट्रिय क्रिकेट काउन्सिल (आइसिसी) ले आगामी १९ देखि २८ मार्चसम्म ओमानमा सिरिज गर्ने भएको थियो ।
सिरिजमा नेपालले ओमान र अमेरिकासँग प्रतिस्पर्धा गर्ने खेल तालिका थियो । नेपाल, अमेरिका र ओमानबीचको सिरिजसँगै पिएनजी, स्कटल्यान्ड र ओमानबीच अप्रिलमा हुने सिरिज तथा पिएनजी, अमेरिका र नामिबियाबीच मेमा हुने सिरिज पनि स्थगित भएको छ ।
प्रतिक्रिया दिनुहोस्
