काठमाडौं- जनता समाजवादी पार्टी (जसपा) का केन्द्रीय सदस्य एवम् पार्टीका युवा इन्चार्ज इस्लाम हवारी नेकपा ओली समूहमा प्रवेश गरेका छन् ।
प्रधानमन्त्री एवम् पार्टी अध्यक्ष केपी शर्मा ओलीले प्रधानमन्त्री निवास बालुवाटारमा शुक्रबार बिहान आयोजित विशेष कार्यक्रममा हवारीलाई नेकपामा स्वागत गरे ।
स्वागतका क्रममा ओलीले हवारीलाई उत्कृष्ट ढंगले पार्टी काम गर्नका लागि शुभकामना समेत दिएको उनको सचिवालयले जनाएको छ ।
वीरगञ्ज निवासी हवारीसँगै जसपाका विभिन्न तहका नेता कार्यकर्ताहरु पनि पार्टी प्रवेशका क्रममा रहेको जानकारी कार्यक्रममा दिइएको थियो ।
प्रतिक्रिया दिनुहोस्
