काठमाडौं- गायक तथा संगीतकार शिशिर योगीको ‘तिमी हिँडे बाटो बन्छ’ बोलको गीत सार्वजनिक भएको छ । राष्ट्रभक्तिले ओतप्रोत गीत शुक्रबार योगीकै युट्युब च्यानलमार्फत सार्वजनिक गरेका हुन् ।
धनबहादुर वलीको शब्द र योगीको स्वर तथा संगीत रहेको उक्त गीतमा अमुल कार्की ढलीको संगीत संयोजन रहेको छ । वीरेन्द्र भाट ‘विपिन’ छायांकन रहेको उक्त भिडियोको सम्पादन लोकेश भाटले गरेका छन् ।
अमुल कार्की ढलीको एरेन्जमेन्ट रहेको उक्त गीतमा मित्र लामाको मिक्सिङ रहेको छ ।
गायक तथा संगीतकार योगीको यसअघि ‘सारंगी त रेट पनि’ गाएपछि चर्चा चुलिएको थियो । भने त्यसपछि उनले मानिस खोजिरहेछु, छाडेर काम सारा एक काम रोजिरहेछु लगायत दजनौं गीतमा स्वर तथा संगीत दिइसकेका छन् । योगी राष्ट्रिय गीतमा पहिचान बनाउन सफल गायकका रुपमा चिनिन्छन् ।
प्रतिक्रिया दिनुहोस्
